Украіна рыхтуецца эвакуяваць жыхароў Крыма

У Херсонскай вобласці базы адпачынку ўжо пачалі пераабсталёўваць пад жыллё.

Урад Украіны рыхтуецца да магчымай эвакуацыі вялікай колькасці насельніцтва Крыма на кантынэнтальную частку краіны, паведаміў першы віцэ-прэм'ер-міністр Віталь Ярэма, паведамляе ЛІГАБізнэсІнформ 17 сакавіка.

Паводле ягоных слоў, такая эвакуацыя можа абярнуцца гуманітарнай катастрофай. «Мы абмяркоўвалі гэтае пытанне з ЗША, у прыватнасці, я звяртаўся да сэнатара Маккейна з просьбай, калі адбудзецца гуманітарная катастрофа, каб нам далі гуманітарную дапамогу. Я не атрымаў адказ «не». Калі жыхары Крыму захочуць перасяліцца на кантынэнтальную частку Украіны, мы будзем рабіць усё магчымае, каб уладкаваць іхняе жыццё на новым месцы», - сказаў Ярэма.

Паводле ягоных слоў, цяпер у Херсонскай вобласці базы адпачынку ўжо пачалі пераабсталёўваць пад жытло.