КДБ паведаміў аб чарговым затрыманні чыноўніка за хабар

На гарачым затрыманы загадчык сэктара РУП «Мінскае абласное агенцтва дзяржаўнай рэгістрацыі і зямельнага кадастру».

Пра гэта паведаміў агенцтву «Інтэрфакс-Захад» у панядзелак кіраўнік прэс-службы КДБ Артур Стрэх.

«Незаконнае грашовае ўзнагароджанне ў суме $ 1200 было атрыманае службовай асобай ад прадстаўніка аднаго са сталічных ЖБВК за спрыянне ў рэгістрацыі будаўніцтва шматкватэрнага жылога дома, характарыстыкі якога не адпавядаюць раней заяўленым, і спрыяльнае развязанне пытання пра нескладанне нарматыўных актаў аб выяўленых у кааператыве парушэнняў», - адзначыў Стрэх.

У дачыненні да затрыманага управай КДБ Менску і Менскай вобласці распачатая крымінальная справа паводле прыкмет складу злачынства, прадугледжанага ч.1 арт.430 (атрыманне хабару службовай асобай) Крымінальнага кодэкса Беларусі.

Для далейшага расследавання крымінальная справа перададзеная ва ўправу Следчага камітэта Менска.