Пуцін прызнаў «незалежнасць» Крыму
61- 17.03.2014, 21:55
- 33,467
Прэзідэнт Расеі падпісаў указ аб прызнанні Рэспублікі Крым у якасці суверэннай і незалежнай дзяржавы.
Пра гэта паведамляе прэс-служба Уладзіміра Пуціна.
«Улічваючы волевыяўленне народаў Крыма на агульнакрымскім рэферэндуме, які адбыўся 16 сакавіка 2014, прызнаць Рэспубліку Крым, у якой горад Севастопаль мае асаблівы статус, у якасці суверэннай і незалежнай дзяржавы. Гэты ўказ уваходзіць у дзеянне з дня яго падпісання», - гаворыцца ва ўказе.
16 сакавіка ў АРК прайшоў незаконны «рэферэндум». Са слоў яго арганізатараў, 96,77 % выбарцаў аддалі свае галасы за далучэнне Крыма да Расеі. «Рэферэндум» не прызналі ні улады Украіны, ні сусветная супольнасць.
17 сакавіка ўлады Крыма звярнуліся да Расеі з прапановай аб прыняцці рэспублікі ў яе склад у якасці новага суб'екта. Перад гэтым распушчаны Вярхоўнай Радай парламент Крыма ўжо прыняў пастанову аб незалежнасці паўвыспы.