Пад Рагачовам сутыкнуліся грузавікі МАЗ
4- 18.03.2014, 9:51
- 11,822
Кіроўцы грузавікоў шпіталізаваныя.
Пра гэта паведамляе прэс-служба МНС.
«17 сакавіка ў 10:16 у службу МНС паступіла паведамленне аб дарожна-транспартным здарэнні з удзелам двух грузавых аўтамабіляў у вёсцы Гадзілавічы Рагачоўскага раёна Гомельскай вобласці. Паводле папярэдняй версіі, адбылося сутыкненне двух «МАЗаў» з паўпрычэпамі. У адным з іх апынуўся заблакаваны кіроўца», - гаворыцца ў паведамленні.
Работнікі МНС з дапамогай гідраўлічнага інструмента дэблакавалі мужчыну 1966 года нараджэння. Другі кіроўца 1957 года нараджэння быў выняты насельніцтвам да прыбыцця ратавальнікаў.
З папярэднім дыягназам «чэрапна-мазгавая траўма» абодва пацярпелых кіроўцы былі шпіталізаваныя.