У Гомелі выбухнуў прыватны дом
2- 18.03.2014, 11:58
- 11,100
Выбух адбыўся ўвечары 17 сакавіка ў Гомелі па вул. Лепяшынскага - паведамленне пра здарэнне паступіла ў 22:55.
Праз 4 хвіліны на месца выбуху прыехалі два аддзяленні ПАВЧ №5 Гомельскага ГАЧС. Гарэў жылы бярвеністы дом, полымя перакінулася на суседні будынак, паведамілі ў гомельскім МНС.
Гаспадара дома яшчэ да прыезду пажарных знайшлі суседзі і панеслі далей ад агню. Ім аказаўся 59-гадовы беспрацоўны, які жыў адзін і, са слоў суседзяў, часта выпіваў. Яго адвезлі ў лякарню з апёкамі 3 і 4 ступені, піша БелаПАН.
Да 23:20 пажар ліквідавалі, дом згарэў цалкам, у суседняга пашкоджаны дах і гарышча.
Устанаўліваецца прычына пажару і матэрыяльны ўрон.
