Украінцы пералічылі на падтрымку войска мільён даляраў
23- 18.03.2014, 12:40
- 15,282
Грамадзяне Украіны падтрымліваюць сваё войска.
У рамках акцыі «Падтрымай Украінскае войска» па стане на 17 сакавіка на рахункі Міністэрства абароны Украіны паступіла амаль 9,9 млн. грыўняў (мільён даляраў) ад юрыдычных і фізічных асоб у якасці дапамогі Узброеным Сілам Украіны.
Пра гэта гаворыцца ў паведамленні ведамства, перадае liga.net.
Юрыдычнымі асобамі ажыццёўлены перавод каля 1,9 мільёнаў грыўнаў, з якіх 119 000 грыўняў - на медыцынскае, астатнія - на матэрыяльна-тэхнічнае забеспячэнне войска. Ад фізічных асоб на рахункі паступілі 5 млн. 746 тыс.грн.
З дапамогай званкоў на адзіны мабільны нумар 565 у падтрымку ўкраінскага войска пералічана 2 мільёна 235 тысяч грыўняў. (усе - на матэрыяльна-тэхнічнае забеспячэнне УС (Украіны).
Фота: РІА «Новости»