Юрый Луцэнка ідзе ў мэры Кіева
1- 18.03.2014, 15:01
- 6,213
Былы міністр унутраных спраў Юрый Луцэнка мае намер балатавацца ў мэры Кіева.
Адпаведную заяву палітык зрабіў падчас брыфінгу, піша УНН.
"Маю прамое жаданне не імкнуцца да пастоў, на якія прызначаюць. Я вярнуся ў палітыку праз абранне. Я ўпэўнены, што нармальны палітык пасля пэўнай паўзы павінен не прызначацца, а атрымліваць мандат даверу ад людзей. Таму я не бяру ўдзелу ў прапановах узначаліць любыя ведамствы ці міністэрствы. Не выключаю сваё балатаванне на пасаду кіеўскага гарадскога галавы", - дадаў ён.
Палітык таксама заявіў, што ён выступае за правядзенне 25 траўня не толькі прэзідэнцкіх выбараў, але і парламенцкіх выбараў.