Крымскіх татараў чакае канфіскацыя часткі зямель

Новыя ўлады паўвострава заявілі, што крымскім татарам прыйдзецца вызваліць для сацыяльных патрэб некаторыя землі.

Па словах "віцэ-прэм'ера" Крыма Рустама Тэміргаліева, будзе праведзеная поўная легалізацыя ўсіх зямель у Крыме, а татарам гатовы прадаставіць новыя ўчасткі зямлі, перадае РБК.

Як удакладніў Тэміргаліеў, у раёне аб'язной дарогі Сімферопаля вельмі шмат участкаў, якія былі "захопленыя". Пры гэтым яны неабходныя для паляпшэння інфраструктуры горада. "Але мы гатовыя прадаставіць і легалізаваць вельмі многія іншыя зямельныя ўчасткі для нармальнай жыццядзейнасці крымскіх татараў", - адзначыў Тэміргаліеў у інтэрв'ю РІА "Новости". Акрамя таго, ён дадаў, што прадстаўнікі крымскіх татараў увойдуць у кіраўніцтва рэгіёну.

"Я думаю, у самыя найбліжэйшыя дні на пасяджэнні Вярхоўнага савета Крыма будуць прызначэнні віцэ-спікера парламента і віцэ-прэм'ера. Абмяркоўваецца, што Ільмі Ільясаў, член курултая меджліса крымска-татарскага народа, стане віцэ-спікерам. А віцэ-прэм'ерам - абмяркоўваецца кандыдатура Заўра Смірнова, намесніка старшыні меджліса крымска-татарскага народа. Я думаю, што крымскія татары будуць годна прадстаўленыя ва ўрадзе і парламенце", - сказаў Тэміргаліеў. Перамовы паміж уладамі Крыма і прадстаўнікамі меджліса прайшлі напярэдадні.

Самая нізкая яўка на "рэферэндуме" ў Крыме 16 сакавіка была зафіксаваная менавіта ў раёнах з кампактным пражываннем крымскіх татараў. Кіраўніцтва меджліса крымска-татарскага народа сцвярджала, што прадстаўнікі гэтай нацыянальнасці цалкам ігнаравалі "рэферэндум". Паводле яго дадзеных, у галасаванні ўзялі ўдзел менш за 1 адсотак крымскіх татараў.

Прэзідэнт Расеі Уладзімір Пуцін сёння ўхваліў праект дамовы паміж Расеяй і Крымам аб уваходжанні рэспублікі ў склад РФ.

Фота: 24 Daily