Аўстрыя экстрадуе Фірташа ў ЗША
2- 18.03.2014, 17:30
- 8,406
17 сакавіка суд Вены прыняў рашэнне аб экстрадыцыі Фірташа ў ЗША.
Гэта рашэнне можа быць абскарджана ў вышэйшай судовай інстанцыі.
Міністэрства замежных спраў Украіны паведамляе, што суд горада Вена прыняў рашэнне аб экстрадыцыі ўкраінскага алігарха Дзмітрыя Фірташа ў ЗША.
Пра гэта паведаміў журналістам дырэктар дэпартамента інфармацыйнай палітыкі МЗС Яўген Перабійніс, піша zn.ua.
«17 сакавіка суд горада Вены прыняў рашэнне аб экстрадыцыі Фірташа ў ЗША. Гэта рашэнне можа быць абскарджана ў вышэйшай судовай інстанцыі», - сказаў ён.
Як вядома, украінскага алігарха Дзмітрыя Фірташа арыштавалі ў Вене ўвечары ў сераду, 12 сакавіка.
Арышт ажыццёўлены на падставе ордэра, выдадзенага амерыканскім судом на запыт ФБР. Фірташа падазраюць, у прыватнасці, у хабарніцтве і стварэнні злачыннай групоўкі. У Аўстрыі крымінальных спраў супраць бізнесмена няма.
Аўстрыя прызначыла Фірташу заклад у 125 мільёнаў еўра.