Расейскія снайперы адкрылі агонь у Сімферопалі
16- 18.03.2014, 17:55
- 39,816
Паранены адзін чалавек.
У Сімферопалі штурмуюць фотаграметрычны цэнтр Упраўлення цэнтральнага ваенна-тапаграфічнага і навігацыйнага Галоўнага ўпраўлення аператыўнага забеспячэння Узброеных Сіл Украіны.
Пра гэта паведамляе арганізатар суполкі "Інфармацыйны супраціў" Дзмітрый Тымчук у сваім акаўнце ў сацыяльнай сетцы "Фэйсбук".
"Аператыўныя дадзеныя суполкі "Інфармацыйны Супраціў". Ідзе штурм ваеннага аб'екта ў Сімферопалі. Штурмуецца фотаграметрычны цэнтр Упраўлення цэнтральнага ваенна-тапаграфічнага і навігацыйнага Галоўнага ўпраўлення аператыўнага забеспячэння Узброеных Сіл Украіны", - напісаў ён.
Пазней з'явіліся дадзеныя аб тым, што адзін з абаронцаў будынка паранены.
"З вокнаў дамоў блізу аб'екта працуюць расейскія снайперы. Па нашых дадзеных, на гэты момант паранены адзін чалавек", - паведаміў ён каля 16:10 па мясцовым часе.
Фота: Reuters