Дональд Туск: ЗША і ЕЗ выступяць супраць Расеі салідарным фронтам

Краіны Захаду знаходзяцца ў стадыі фармавання адзінага, еўраатлантычнага фронту ціску на Расею.

Увядзенне санкцый было толькі першым крокам. Пра гэта заявіў прэм'ер Польшчы Дональд Туск у інтэрв'ю выданню Gazeta Wyborcza. Пры гэтым, паводле ягоных слоў, Захад не настроены на ўзброены канфлікт з Расеяй.

«Дыпламатыя не ў тым, каб трэцім рухам пачыналася вайна, бо свет быў бы ўвесь час ва ўзброеным канфлікце», - растлумачыў ён.

Туск кажа, што ЕЗ і ЗША цяпер спрабуюць узгадніць пазіцыі і навучыцца дзейнічаць разам супраць Расеі. «Тое, што ЕЗ і ЗША шукаюць цяпер крокі, якія цяпер камусьці могуць здацца смешнымі, гэта, хутчэй, не атака або стрымліванне Расеі. Гэта, хутчэй, спроба самавызначэння, спроба пабудовы новага тыпу палітычнай супольнасці, еўраатлантычнай, якая дагэтуль не мела канфрантацыі з Расеяй, - растлумачыў ён. - I тыя санкцыі, гэта элементы новай палітычнай архітэктуры заходняга свету, а не абарона ад Расеі. Калі зараз ЕЗ і ЗША шукаюць супольныя дзеянняў супраць Расеі, то гэта азначае, што ў Расеі будуць вельмі сур'ёзныя праблемы з гэтым усё больш салідарным фронтам».

У той жа час Туск растлумачыў, што Захад хоча пазбегнуць катастрофы і знішчэння сусветнай эканомікі.