Заблакаваныя ў Крыме ўкраінскія караблі адышлі ад берага
8- 18.03.2014, 21:17
- 34,721
Пасля сілавога штурму фотаграметрычнага цэнтра ВСУ ў Сімферопалі чатыры ўкраінскіх караблі адышлі на сярэдзіну бухты Данузлав.
Пра гэта паведамляе выданне Мінабароны "Флот Украіны".
Як паведамілі ў Паўднёвай вайскова-марской базе, расейскія акупанты ўжо робяць спробу захопу адміністрацыйных будынкаў украінскай вайсковай часткі.
У сувязі з гэтым караблі нацыянальнага вайсковага флоту, а менавіта вялікі дэсантны карабель "Канстанцін Альшанскі", сярэдні дэсантны карабель "Кіраваград", марскія тральшчыкі " Чаркасы" і "Чарнігаў", аддалі швартовы ад прычальнай сценкі і адышлі на сярэдзіну возера Данузлаў для таго, каб мінімізаваць спробу сілавога захопу.
Як вядома, на аўторак на 18.00 былі запланаваныя перамовы украінскіх вайскоўцаў з кіраўніцтвам Узброеных Сіл РФ у Крыме.
Як паведамлялася, падчас штурму ўкраінскага фотаграметрычнага цэнтра ў Сімферопалі быў забіты ўкраінскі прапаршчык.
Нагадаем, раней расейскія акупанты перацялі выхад з бухты, затапіўшы там чатыры сваіх караблі.
Фота: dumskaya.net