Лявон Вольскі выдасць «жорсткі» альбом да Дня Волі
6- 18.03.2014, 21:33
- 9,999
Новы сольны альбом Лявона Вольскага, які атрымаў назву «Грамадазнаўства», выйдзе 25 сакавіка на мультылэйбле «Пярвак».
Саўндпрадусэрам альбома, які запісваўся ў віленскай студыі Ymir Audio, выступіў нарвежскі музыкант Снор Бэргэруд, піша 34mag.net.
«Калі мы звярнуліся з прапановай супрацоўніцтва, ён адразу ж сказаў, што хацеў бы цалкам запрадзюсаваныя аранжыроўкі і гук, - успамінае Вольскі. - Я пагадзіўся паспрабаваць. Яго бачанне мне падалося цікавым, такім «незямным», і мы пачалі шчыльнае супрацоўніцтва. А далей ужо, як кажуць, творчая магія... Перад пачаткам працы мы папярэдзілі хлопчыкаў і дзяўчынак, што песні будуць жорсткія і бескампрамісныя».
«Музычная канцэпцыя «Грамадазнаўства»- гэта «нічога лішняга». Асноўны ўпор зроблены на лірыку. Некаторыя песні пачынаюцца адразу з тэксту. Нямала сола. Нямала брыджаў. Песні кароткія, тэксты доўгія. У альбоме цалкам парушаная папсовая схема: інтра, куплет-прыпеў, куплет-прыпеў, брыдж і яшчэ пара рэфрэнам», - так апісваецца новая праца Вольскага.