Свініна і ялавічына зноў падаражэюць

Улады на 5% павысілі адпускныя кошты на свініну і ялавічыну.

У Беларусі на 5% павышаныя адпускныя кошты на мяса. Адпаведнае рашэнне зацверджана пастановай Міністэрства эканомікі ад 11 сакавіка 2014 года №20, піша АФН.

Згодна з дакументам, лімітавы максімальны адпускны кошт на ялавічыну патушную складзе 33 279 рублёў за кг, на свініну патушную першай і другой катэгорыі - 31 920 рублёў за кг, свініну трэцяй катэгорыі - 29 814 рублёў за кг.