Муждабаеў: Прыдуркаватыя стаўленікі Пуціна зрабілі ўсё, каб адвярнуць крымскіх татараў
10- 19.03.2014, 12:22
- 30,512
Горшага пачатку зносінаў РФ з карэнным народам Крыма немагчыма прыдумаць, лічыць расейскі журналіст.
Пра гэта Айдэр Муждабаеў напісаў у блогу на «Эхо Москвы».
«Калі б Уладзімір Пуцін разумеў болевыя кропкі крымскіх татараў, ён бы першай анучай, якая трапіла пад руку, прама пасля сваёй прамовы ў Крамлі, заткнуў рот тым «кіраўнікам Крыма», якія сёння паабяцалі адбіраць у крымскіх татараў «незаконна захопленую» зямлю.
Горшага пачатку зносінаў Расеі з карэнным народам Крыма немагчыма прыдумаць.
Па сутнасці гэта прагучала як папярэджанне аб непажаданасці знаходжання татараў на сваёй зямлі, і ніякія абяцанні ўвядзення афіцыйнай крымскататарскай мовы ўжо не дапамогуць.
Менавіта так - як намёк на далейшае бяспраўе, бязмежжа на радзіме, як прапанову «добраахвотнай» дэпартацыі - крымскія татары гэта і зразумелі.
Дарадцаў Пуціна я хачу павіншаваць асобна: вашы прыдуркаватыя стаўленікі сёння зрабілі ўсё, каб адвесці крымскіх татараў, нават тых, хто меў нейкія ілюзіі, ад Расеі», - напісаў ён.