Украінцы сабралі за два дні 16 мільёнаў грыўняў для войска
13- 19.03.2014, 17:46
- 11,323
Мінабароны Украіны ў рамках акцыі «Падтрымай украінскае войска» па стане на 12:00 19 сакавіка сабрала больш за 16 мільёнаў грыўняў.
Пра гэта гаворыцца ў паведамленні міністэрства. Абароннае ведамства адзначае, што 3 мільёна 810 тысяч 300 грыўняў пералічана з дапамогай званкоў на адзіны мабільны нумар «565».
Раней паведамлялася, што па стане на 17 сакавіка на рахункі Міністэрства абароны ў рамках акцыі «Падтрымай украінскае войска» паступіла амаль 9,9 мільёнаў грыўняў.
Акрамя таго, Кабінет міністраў Украіны вылучыў МУС 13,473 млн грыўняў на правядзенне ваенных збораў з грамадзянамі, якія праходзяць службу ў ваенным рэзерве ўнутраных войскаў МУС.