На «выбары» ніхто не ідзе: ЦВК пачаў спаміць СМСкамі
119- 19.03.2014, 17:50
- 88,818
ЦВК пачаў рассылаць смскі з заклікам прыйсці на «выбары».
Пра гэта паведамляюць карыстальнікі «Твітара».
Як растлумачыў БелТА сакратар ЦВК Мікалай Лазавік, такое запрашэнне атрымалі абаненты velcom, МТС і life. Ініцыятарам такой агітацыі за ўдзел у «выбарах» выступіў Цэнтрвыбаркам. Мікалай Лазавік адзначыў, што «для Беларусі гэта навіна, хоць, магчыма, за мяжой ужо выкарыстоўваліся падобныя тэхналогіі».
«З дапамогай СМС Цэнтрвыбаркам вырашыў яшчэ раз заклікаць выбаршчыкаў узяць удзел у «выбарах», падкрэсліць, што кожны голас важны», - сказаў Мікалай Лазавік.
Нагадаем, пачынаючы з 1995 года ні адны «выбары» і ні адзін «рэферэндум», якія праводзяцца ў Беларусі, не былі прызнаныя міжнароднымі арганізацыямі і заходнімі краінамі.