Індыя асудзіла расейскую агрэсію ў Крыме
21- 19.03.2014, 20:44
- 29,507
Індыя падтрымала тэрытарыяльную цэласнасць Украіны.
Індыя паслядоўна адстойвае пазіцыю адзінства і тэрытарыяльнай цэласнасці краін, адзначыў індыйскі прэм'ер у адказ на тлумачэнне прэзідэнтам РФ Уладзімірам Пуціным афіцыйнай пазіцыі Расеі адносна «рэферэндуму» ў Крыме падчас тэлефоннай размовы.
Пра гэта заявіў індыйскі прэм'ер Манмахан Сінгх, паведамляе Укрінформ.
«Прэм'ер-міністр падзякаваў Пуціну за тлумачэнне расейскай пазіцыі адносна апошніх падзеяў ва Украіне. Ён падкрэсліў паслядоўную пазіцыю Індыі ў пытаннях адзінства і тэрытарыяльнай цэласнасці краін», - гаворыцца ў паведамленні.
Кіраўнік індыйскага ўрада выказаў надзею, што ўсе бакі канфлікту праявяць стрыманасць і канструктыўнасць, будуць працаваць разам для пошуку палітычных і дыпламатычных рашэнняў. Пры гэтым гэтыя рашэнні, як адзначыў Сінгх, павінны абараняць «законныя інтарэсы ўсіх краін у рэгіёне і забяспечваць доўгачасовы мір і стабільнасць у Еўропе і за яе межамі»