Расейскія спэцслужбы інсцэніравалі «перастрэлку» ў Сімферопалі

Уладзімір Пуцін наважыў увесці войскі РФ ва Украіну праз інсцэніраваны бой са стральбой і «ліпавымі» ахвярамі.

Ён звярнуўся да Савета Федэрацыі аб увядзенні расейскіх войскаў ва Украіну пасля таго, як у эфіры расейскага ТВ паказалі нібыта загінулых расейскіх вайскоўцаў у выніку страляніны ля Рады міністраў Крыма ў Сімферопалі. Сюжэт пра стральбу «ўкраінскіх баевікоў» з закрытымі тварамі і цела расейскіх вайскоўцаў, нерухома ляжаць на дарозе, паказалі на тэлеканале «Весткі», піша «Украінская праўда».

«У 15:20 ля будынку Кабміна АРК ў Сімферопалі прагучалі аўтаматныя чэргі... Каля Дома Прафсаюзаў ў 50 метрах ад Кабміна залеглі невядомыя людзі ў чорнай форме, з чорнымі маскамі на тварах і белымі павязкамі на руках», - адзначае журналіст «Вестак».

«Яны стралялі па натоўпе і Дому Прафсаюзаў. Затым... яны пачалі заскакваць ў жоўтыя аўтобусы «Богдан»... Відаць, аўтобусы былі выкрадзеныя, таму што на адным з іх быў надпіс «Заапарк», - адзначаецца ў сюжэце.

Таксама карэспандэнт адзначае, што «пацярпелі і журналісты, але сур'ёзна ніхто не паранены, аднак гэта лішні раз сведчыць пра тое, што ў Крыме знаходзяцца правакацыйныя сілы, якія хочуць дэстабілізаваць абстаноўку».

Пры гэтым на відэа выразна відаць, што аўтобусы, у якія «заскокваюць экстрэмісты» - жоўтыя, з крымскімі нумарамі. Яны належаць мясцоваму прадпрыемству «Парк львоў Тайган», размешчаным ў Белагорску пад Сімферопалем і дырэктарам якога з'яўляецца кiраўнiк ялцінскага заапарка «Казка» Алег Зубкоў.

Таксама карыстальнікі сацсетак заўважылі, што «тэрарысты» з тэлесюжэтаў ўзброены найноўшай расейскай зброяй - аўтаматамі АК 100-й серыі і гранатамётам РГ-94, наяўныя на ўзбраенні толькі ў войску Расеі.

Акрамя таго, на фота і відэа можна бачыць, што пад нерухомымі «ахвярамі» стральбы ў камуфляжы зусім няма крыві.

Падзеі ў Сімферопалі разам з тым асвятляў і расейскі тэлеканал «Дождж». Ва ўключэнні з Крыма журналіст распавядаў пра тое, што мяркуючы па гільзе пасля стральбы, патроны былі халастымі. «Хто і ў каго страляў - не зразумела, расейскія ваенныя спачатку занялі баявыя пазіцыі каля будынка Саўміна, але праз 15 хвілін вярнуліся да ўваходу будынку, мабыць ім паведамілі, што пагрозы больш няма», - адзначыў журналіст.

Людзі, з яго словаў, якія з'ехалі на жоўтых аўтобусах, былі ў цывільным, але са стралковай зброяй, з белымі павязкамі на рукавах.

Прама падчас прамога ўключэння з Сімферопаля пасля «стральбы» стала вядома, што Пуцін звярнуўся да Савета Федэрацыі з просьбай выкарыстоўваць ваенны кантынгент супраць Украіны.