УВ Крыму: Мы верныя прысязе народу Украіны

Унутраныя войскі МУС Украіны, размешчаныя ў Аўтаномнай Рэспубліцы Крым, маюць дастаткова сіл і сродкаў для ўласнай абароны.

Яны застаюцца верныя дадзенай украінскаму народу прысязе. Пра гэта заявіў начальнік упраўлення Крымскага тэрытарыяльнага камандавання ўнутраных войскаў Украіны Мікалай Балабан, піша gazeta.ua.

«Унутраныя Войскі МУС Украіны ўваходзяць у сістэму ўнутраных спраў. Непасрэдна ўнутраныя войскі падпарадкоўваюцца міністру ўнутраных спраў. Тэрытарыяльныя органы, падраздзяленні, часткі, тэрытарыяльнае камандаванне падпарадкоўваецца міністру ўнутраных спраў. Давераныя мне часткі гатовыя і могуць ахоўваць і абараняць сябе самі. У нас дастаткова сіл і сродкаў ад радыкальных, сепаратысцкіх, любых праяў. Усе вайскоўцы на 100% на сённяшні дзень верныя сваёй прысязе і свайму воінскаму абавязку», - заявіў Мікалай Балабан.

Ён падкрэсліў, што галоўная задача УВ МУС Украіны, як праваахоўнага органа, як войскаў, якія адказваюць за праваахоўны парадак, грамадскую бяспеку, «не дапусціць парушэнняў грамадскага парадку ў Аўтаномнай Рэспубліцы Крым, на маршрутах патрулявання і зоны адказнасці Крымскага тэрытарыяльнага камандавання».

У Крымскае тэрытарыяльнае камандаванне ўнутраных войскаў, паводле звестак сайта ВВ МУС Украіны, уваходзіць 6 вайсковых частак.