Расея закрыла мяжу для ўкраінскіх прадуктаў

На пунктах пропуску транспартны калапс.

Учора, 19 сакавіка, у 22:00 па ўкраінскім часе Расея цалкам закрыла свае межы для ўкраінскай прадукцыі.

Пра гэта паведамілі ўдзельнікі рынку, інфармуе УНІАН.

Па словах прадстаўнікоў украінскіх транспартных кампаній, машыны з украінскай прадукцыяй не прапускаюць на мытных пунктах РФ. Пры гэтым якіх-небудзь тлумачэнняў перавозчыкам не даюць.

«Машыны проста вяртаюць на тэрыторыю Украіны, нават не праводзяць ніякіх надглядаў, - кажуць экспарцёры. - Работнікі мытні свае дзеянні ніяк не аргументуюць, ніякіх дакументаў не падаюць».

У выніку на нейтральнай тэрыторыі паміж Украінай і Расеяй утварыўся транспартны калапс: чарга з фур ужо вылічаецца кіламетрамі.