Алігарх Фірташ вызвалены пад заклад €125 мільёнаў

Суд Вены вызваліў Дзмітрыя Фірташа пасля ўнясення ім закладу 125 мільёнаў еўра.

Пра гэта паведаміла крыніца ў Group DF, пішуць «Украинские новости».

Дзмітрый Фірташ вызвалены з-пад варты пад абавязацельства не пакідаць тэрыторыю Аўстрыі.

Нагадаем, 13 сакавіка па запыце ФБР блізкі да Віктара Януковіча алігарх быў затрыманы ў Вене па падазрэнні ў дачыненні да стварэння арганізаванай злачыннай групы і хабарніцтве.

Пазней зямельны суд Вены вырашыў, што Фірташ можа быць выпушчаны на волю пад заклад 125 мільёнаў еўра пры абавязацельстве не пакідаць Вену да таго часу, пакуль той жа суд не прыме рашэння аб яго экстрадыцыі ў ЗША.