У пятніцу да +17°C
3- 20.03.2014, 13:46
- 10,402
Пераменная воблачнасць пераважна без ападкаў чакаецца ў Беларусі 21 сакавіка.
Пра гэта паведамілі БелТА ў Рэспубліканскім гідраметэацэнтры.
Толькі ноччу месцамі па поўначы пройдуць невялікія ападкі ў выглядзе дажджу і мокрага снегу. Магчымы слабы галалёд, на асобных участках дарог галалёдзіца. Вецер паўднёва-заходні 6-11 метраў за секунду, раніцай і днём у многіх раёнах рэспублікі парывы да 15-20 метраў за секунду.
Тэмпература паветра ўначы 1-6 градусаў цяпла, па паўночным усходзе - ад 0 да мінус 4, днём будзе 9-15 градусаў са знакам плюс, па паўднёвым захадзе - да плюс 17.
Такі характар надвор'я адпавядае аранжаваму ўзроўню небяспекі.