Лукашэнка адправіў двух генералаў на пенсію
37- 20.03.2014, 21:30
- 41,544
Генерал-маёр Іван Чавус і генерал-маёр Сяргей Бахчаван вызваленыя ад пасады.
Генерал-маёр Іван Чавус вызвалены ад пасады начальніка галоўнай вайсковай інспекцыі Узброеных Сіл Рэспублікі Беларусь і звольнены з вайсковай службы ў запас з прычыны ўзросту з правам нашэння вайсковай формы адзення і знакаў адрознення, паведамляе прэс-служба Лукашэнкі.
Генерал-маёр Сяргей Бахчаван вызвалены ад пасады начальніка галоўнай управы планавання і каардынацыі тылавога забеспячэння - першага намесніка начальніка тылу Узброеных Сіл Рэспублікі Беларусь і звольнены з вайсковай службы ў запас з прычыны ўзросту з правам нашэння вайсковай формы адзення і знакаў адрознення.
Адпаведныя ўказы Лукашэнка падпісаў 20 сакавіка.