VISA і MasterCard перасталі абслугоўваць кліентаў банка «Расея»

Сэрвісы VISA і MasterCard перасталі праводзіць плацяжы трымальнікаў пластыкавых картак банка «Расея».

Пра гэта паведамляецца ў прэс-рэлізе фінансавай арганізацыі. Банк запэўнівае, што яго супрацоўнікі не ўводзілі ніякіх абмежаванняў па аперацыях, а міжнародныя аплатныя сістэмы перасталі аказваць паслугі па правядзенні плацяжоў без якіх-небудзь апавяшчэнняў.

Раней 21 сакавіка на сайце «Расеі» з'явілася паведамленне, у якім банк сцвярджае, што працягвае працаваць у стабільным рэжыме, нягледзячы на ўступленне ў сілу амерыканскіх санкцый, піша Lenta.ru.

«Банк выконвае і будзе безумоўна выконваць усе свае абавязацельствы перад кліентамі і партнёрамі ў поўным аб'ёме», - адзначалася ў прэс-рэлізе.

Банк «Расея» апынуўся ў санкцыйным спісе ЗША, які быў пашыраны 20 сакавіка. Фінарганізацыя апынулася адзінай расейскай юрыдычнай асобай, у дачыненні да якой былі ўведзеныя санкцыі ў гэты дзень. У спіс трапіў таксама найбуйнейшы акцыянер банка «Расея» - Юрый Кавальчук. Калі стала вядома пра абмежавальныя меры, у фінарганізацыі заявілі, што бізнесмен успрымае іх як «прызнанне яго заслуг перад Расейскай Федэрацыяй».