Яцанюк і Фюле абмеркавалі падрыхтоўку гандлёвай часткі асацыяцыі з ЕЗ
3- 21.03.2014, 11:12
- 6,902
Бакі абмеркавалі шляхі правядзення рэформаў ва Украіне.
Прэм'ер-міністр Украіны Арсеній Яцанюк і еўрапейскі камісар па пытаннях пашырэння і еўрапейскай палітыкі суседства Штэфан Фюле абмеркавалі падрыхтоўку ўкраінскім бокам гандлёвай часткі Пагаднення аб асацыяцыі з Еўрапейскім Звязам.
Як паведамілі УНІАН у Дэпартаменце інфармацыі і камунікацый з грамадскасцю Сакратарыята Кабінета міністраў, пра гэта ішла размова падчас іх сустрэчы ў Бруселі.
Таксама бакі абмеркавалі сітуацыю ва Украіне, шляхі падтрымкі намаганняў урада Украіны з мэтай правядзення рэформаў, неабходных для набліжэння да еўрапейскіх стандартаў.
Падчас сустрэчы гаворка ішла аб барацьбе з карупцыяй, фінансава-эканамічнай стабілізацыі ва Украіне, узмацненні гандлёва-эканамічных сувязяў шляхам адкрыцця рынку Еўрапейскага звяза для ўкраінскіх тавараў, адзначаецца ў паведамленні.
Фюле вітаў апошнія рашэнні Украіны, звязаныя з выкананнем Украінай крытэраў плана дзеянняў адносна бязвізавага рэжыму з ЕЗ.
Нагадаем, Еўрапейскі Звяз і Украіна сёння падпішуць палітычную частку Пагаднення аб асацыяцыі.