Плацяжы наяўнымі абмяжуюць 100 базавымі велічынямі

Нацбанк прапануе абмежаваць памер наяўных разлікаў 100 базавымі велічынямі.

Нацыянальны банк Беларусі падрыхтаваў і накіраваў у зацікаўленыя міністэрствы і ведамствы праект дзяржаўнага рашэння аб абмежаванні памеру наяўных разлікаў насельніцтва за работы, тавары і паслугі, паведамілі агенцтву "Інтэрфакс-Захад" у Нацбанку.

Там растлумачылі, што праект нарматыўнага акту прапануе ўстанавіць для насельніцтва лімітавую суму плацяжу наяўнымі грашовымі сродкамі на ўзроўні не больш за 1 тыс. базавых велічынь (БВ, у цяперашні час 1 БВ роўная Br130 тыс.).

Мяркуецца, што пасля разгляду дакумента ў МПЗ, Мінэканомікі, Мінфіне, Мінюсце, Мінгандлю, МУС і Камітэце дзяржкантролю праект дзяржаўнага рашэння будзе накіраваны для разгляду ў адміністрацыю Лукашэнкі.

У НББ адзначылі, што пытанні падрыхтоўкі гэтага рашэння ў ліку іншых абмяркоўваліся Нацбанкам на трэцім пасяджэнні Міжведамаснага каардынацыйнага савета па безнаяўным разлікам, які быў створаны ў Беларусі для садзейнічання развіццю ў рэспубліцы сістэмы безнаяўных разлікаў па рознічных плацяжах.

У рэгулятарным органе таксама звярнулі ўвагу, што абмежаванне памеру безнаяўных плацяжоў з'яўляецца міжнароднай практыкай і паслужыць росту безнаяўных плацяжоў фізічных асоб.

Па дадзеных НББ, на 1 студзеня 2014 года ў Беларусі доля безнаяўных аперацый у аперацыях з карткамі склала 68,4% па колькасці і 21,5% у суме плацяжоў супраць 62,6% і 18,9% адпаведна на 1 студзеня 2013 года.

На пачатак 2014 года ў Беларусі выпушчана ў абарачэнне 11,8 млн плацежных картак, за 2013 год іх колькасць вырасла на 1,4 млн штук. Пры гэтым колькасць картак унутранай сістэмы БелКарт на пачатак года склала 5,3 млн штук (45% ад агульнай колькасці), картак сістэмы VISA - 4,5 млн штук (38%), MasterCard - 2 млн. штук (17%).

Раней паведамлялася, што ў Беларусі памер БВ плануецца павысіць у першым паўгоддзі да Br150 тыс.