Кісялёў, які пагражаў ядзерным выбухам ЗША, удзельнічаў у праграме Дзярждэпа
33- 21.03.2014, 13:18
- 34,512
Вядомы прапагандыст Дзмітрый Кісялёў браў удзел у праграме Дзяржаўнага дэпартамента Белага Дома.
Пра гэта сёння паведаміў былы амбасадар ЗША ў Расеі Майкл Макфал.
«Кісялёў браў удзел у праграме Дзярждэпа, - напісаў сёння ў «Твітэры» Макфал, дадаўшы: - Вашы «патрыёты» любяць крытыкаваць Амерыку а потым адпачываць у нас. Колькі віз мы выдалі гэтым людзям, калі я быў амбасадарам».
.@sergeykostyaev киселев принимал участие в программе Госдепа.
— Michael McFaul (@McFaul) 21 Март 2014
коллеги, ваши "патриоты" любят критиковать Америку а потом отдыхать у нас. сколько виз мы отдали этим людям когда я был послом.
— Michael McFaul (@McFaul) 21 Март 2014
Дзмітрый Кісялёў па праграме Дзярждэпа ездзіў у ЗША ў 2010 годзе, яго паездка цалкам аплачвалася амерыканскім бокам, паведамляе «Слон». «Вы мне, калі ласка, больш не тэлефануйце! Назаўжды, пажыццёва, я вас прашу!» - адрэагаваў ён на просьбу пракаментаваць заяву Майкла Макфала.
Дзмітрый Кісялёў - адзін з самых яркіх і агрэсіўных крытыкаў ЗША на расейскім тэлебачанні. Напрыклад, у сваёй апошняй перадачы «Вести недели», якая выйшла ў мінулую нядзелю, Кісялёў прыгразіў ЗША ядзерным выбухам у выпадку пагаршэння канфлікту з Расеяй з-за Крыма.