Офіс «Нафтагаза» заблакавалі міліцыянты з аўтаматамі
2- 21.03.2014, 15:56
- 14,220
Прычыны блакавання праваахоўнікі не паведамляюць.
Сёння, 21 сакавіка, галоўны офіс "Нафтагаза" быў заблакаваны супрацоўнікамі міліцыі.
Уваход і выхад з будынка на дадзены момант немагчымы. Міліцыянты з аўтаматамі знаходзяцца ўнутры закрытага будынка.
Як паведамілі карэспандэнту ТСН супрацоўнікі прадпрыемства, якія знаходзіліся звонку: яны вярнуліся ў офіс пасля абеду і не змаглі зайсці ў памяшканне.
Супрацоўнікі міліцыі прычыны блакавання не тлумачаць, толькі кажуць: "чакайце". Супрацоўнікі "Нафтагаза" кажуць, што магчымай прычынай такога блакавання можа быць канфіскацыя дакументаў.
Самаабароны Майдана побач з офісам няма, унутры бачныя толькі супрацоўнікі міліцыі.