Украіна пачала сумесныя вучэнні з НАТА
4- 21.03.2014, 17:04
- 11,090
На ўсходзе Балгарыі пачаліся вайсковыя вучэнні з удзелам НАТА і краін-партнёраў Альянсу, у тым ліку і Украіны.
Пра гэта паведамляе агенцтва Associated Press.
Як адзначаецца, вучэнні праходзяць на трэніровачнай базе, размешчанай недалёка ад населенага пункта Нова-Сяло, піша gazeta.ua.
У ваенных манеўрах, якія атрымалі назву Saber Guardian (Шабля Захавальнік), бяруць удзел вайскоўцы з 12 краін НАТА і краін-партнёраў. Акрамя Украіны ў вучэннях задзейнічаныя Грузія, Сербія, Малдова, Арменія і Азербайджан. Прадстаўнік арміі ЗША Джэсі Грэнджэр заявіў, што манеўры былі запланаваныя яшчэ да абвастрэння сітуацыі ва Украіне.
Нагадаем, у пачатку сакавіка ў рэгіёне адбыліся сумесныя вучэнні ЗША, Балгарыі і Румыніі, у якіх бралі ўдзел фрэгат балгарскіх ВМС, тры румынскіх карабля і амерыканскі эсмінец УРА Truxtun.