Расея палохае ЗША адмовай ад сістэм Visa і MasterCard

Амерыканскія аплатныя сістэмы Visa і MasterCard, якія спынілі супрацоўнічаць з шэрагам расейскіх банкаў, могуць пазбавіцца права на працу ў Расеі.

Старшыня камітэта Дзярждумы Расеі на фінансавым рынку Наталля Бурыкіна заявіла, што іх нібыта могуць замяніць нацыянальныя аплатныя сістэмы.

Пра гэта піша расейскае выданне «Известия».

«Мы будзем трымаць гэтае пытанне на кантролі, незразумела, на якой падставе санкцыі закранулі банк «Расея». Калі сітуацыя не зменіцца, не выключана, што Расея ў выніку адмовіцца ад паслуг Visa і MasterСard і пяройдзе на айчынныя аплатныя сістэмы. Тады неабходна будзе ўносіць змены ў расейскае заканадаўства, гэта значыць у закон «Аб нацыянальнай плацежнай сістэме», - заявіла Бурыкіна.

На думку начальніка аналітычнага ўпраўлення банка БКФ Максіма Асадчага, эскалацыя «фінансавага канфлікту» вельмі небяспечная для абедзвюх краін.

«Ні адна з нацыянальных плацежных сістэм у сапраўдны час не ў стане кампенсаваць сыход з расейскага рынку найбуйнейшых міжнародных плацежных сістэм. Але ў выпадку забароны дзейнасці амерыканскіх плацежных сістэм часткова замяніць Visa і MasterCard у Расеі могуць нацыянальныя аплатныя сістэмы «Універсальная электронная карта», «Залатая Карона» і UnionCard», - сказаў ён.

Як сёння стала вядома, міжнародныя аплатныя сістэмы Visa і MasterCard спынілі абслугоўваць карты некаторых банкаў у адпаведнасці з пастановай Мінфіна ЗША. Сярод першых пацярпелых - кліенты банкаў АКБ «Расея», «Собінбанк», «Інвесткапіталбанк», СМП Банк, «Фінсервіс» і іншыя.

Гэтыя расейскія крэдытныя арганізацыі ўнесеныя ў так званы ліст Specially Designated Nationals List - спіс грамадзян і кампаній, да якіх прымяняюцца санкцыі ЗША. Уключэнне ў гэты спіс азначае блакаванне ўсіх амерыканскіх актываў банкаў і забарону на ажыццяўленне ўсіх аперацый адносна любых замежных рахункаў. Акрамя таго, існуе «правіла 50%», у адпаведнасці з якім пад санкцыі падпадаюць усе арганізацыі, у якіх фігурант пераліку Мінфіна ЗША валодае вышэй за 50% акцый.