Максім Вінярскі: Камеры на Акрэсціна забітыя «асацыяльнымі элементамі»
19- 21.03.2014, 19:36
- 19,806
Людзей масава адпраўляюць у ЛПП перад ЧМ.
Пра гэта сайту charter97.org паведаміў каардынатар грамадзянскай кампаніі «Еўрапейская Беларусь», які выйшаў на волю з турмы на Акрэсціна.
«Большая частка тых, хто там цяпер знаходзіцца, сядзіць за хуліганства ці п'янства. Амаль усе яны кандыдаты ў ЛПП, таму што ідзе «зачыстка» горада перад Чэмпіянатам свету ў хакеі ад усіх «асацыяльных элементаў». Улады гэтага не хаваюць. І ўсіх, хто знаходзіцца на Акрэсціна, альбо вазілі на камісіі, якія накіроўваюць у ЛПП, альбо збіраюцца везці. Двух маіх сукамернікаў забралі на суд і далі па году ЛПП», - адзначыў ён.
Нагадаем, 5 сакавіку Максім Вінярскі зладзіў пікет ля амбасады Расеі ў Беларусі. Ён стаў насупраць будынку амбасады з плакатам «Акупанты, прэч з Украіны». За гэта суд Цэнтральнага раёна Менска прысудзіў яго 15 дзён арышту.