Расейскія баевікі вызвалілі яшчэ двух закладнікаў
- 21.03.2014, 21:08
- 11,260
Аператары «Вавілон-13» адпушчаныя на волю.
Кінааператар аб'яднання «Вавілон-13» Яраслаў Пілунскі і Юры Грузінаў, якія былі выкрадзеныя ў Сімферопалі 16 сакавіка, адпушчаныя на волю.
Пра гэта ў каментары Lb.ua паведаміў в.а. намеснік кіраўніка АП Андрэй Сенчанка.
«На даручэнне в.а. кіраўніка дзяржавы Аляксандра Турчынава праводзіліся перамовы і, у выніку гэтых перамоў, учора былі адпушчаныя адмірал ВМФ Украіны Сяргей Гайдук і яшчэ сямёра закладнікаў. Сёння - яшчэ двое», - сказаў Сенчанка.
Паводле ягоных слоў, Пілунскі і Грузінаў ўжо бліжэйшымі гадзінамі павінны прыбыць у Херсоне.
Нагадаем, 20 сакавіка ў Крыме вызвалілі 8-х закладнікаў, у ліку якіх быў камандуючы ВМС Сяргей Гайдук і актывісты Аўтамайдану.