Браніслаў Камароўскі: Крамлю трэба адбіць імкненне да авантур

Кіраўнікі Польшчы і Венгрыі выступілі з патрабаваннем увесці больш маштабныя санкцыі супраць Расеі за анэксію Крыма.

Пра гэта паведамляе ўкраінская служба "Радіо Свобода".

Краіны Вышаградскай групы абурае той факт, што «ў 21 стагоддзі яны з'яўляюцца сведкамі вайсковай інтэрвенцыі, якую перажылі самі раней». Са словаў прэзідэнта Польшчы Браніслава Камароўскага, у кіраўніцтва Расеі «трэба адбіць імкненне да авантур», якімі, на яго думку, з'яўлялася анэксія Крыма.

Таксама Камароўскі падкрэсліў важнасць сяброўства яго краіны ў НАТА як гарантыі абароны свабоды і дэмакратыі.