Украінскія вайскоўцы ў Крыме рыхтуюцца да новага штурму

На авіябазе ў Новафедораўцы збіраецца мітынг казакоў, пасля яго плануецца штурм.

Пра гэта паведамляе кіраўнік крымскага медыя-цэнтра Мінабароны Уладзіслаў Селязнёў у сваім акаўнце ў сацыяльнай сетцы «Фэйсбук» са спасылкай на крыніцы ў марской авіяцыйнай брыгадзе.

«Крыніцы з Новафедораўцы (марская авіяцыйная брыгада ВМС) паведамляюць, што ў гэтыя хвіліны збіраецца мітынг казакоў. Паводле інфармацыі крыніц пасля мітынгу чакаецца штурм штаба МАБр», - піша Уладзіслаў Селязнёў.

Таксама з яго слоў, персанал ўкраінскай авіябазы цяпер будуецца і рыхтуецца да штурму.

Напярэдадні Уладзіслаў Селязнёў паведамляў, што ўкраінскі карвет Цернопаль расейскія вайскоўцы адбуксіравалі ў невядомым кірунку, а на аэрапорце Бельбек рыхтуецца штурм з дапамогай пяхоты і бронетэхнікі ВС РФ. Пакуль не вядомы лёс ўкраінскага карвета «Цернопаль». Учора ўвечары ўкраінскія маракі пад гукі гімна пакінулі карабель, а пазней расейскія вайскоўцы адбуксіравалі карвет у невядомым кірунку.

Раней паведамлялася, што ў Стралецкай бухце Севастопаля расейскія вайскоўцы пры падтрымцы самаабароны Крыма прыступам ўзялі карветы «Луцк» і «Хмяльніцкі». Украінскіх маракоў вывелі пад канвоем на бераг. Ім адразу ж прапанавалі прыняць прысягу на вернасць Расеі.