Віталь Клічко: Уварванне ва Украіну знішчыла еўрапейскую сістэму бяспекі
6- 22.03.2014, 12:45
- 9,934
ЕЗ і ЗША павінны ўжываць санкцыі не толькі супраць некаторых прадстаўнікоў пуцінскага рэжыму, але і ізаляваць Расею эканамічна.
Пра гэта заявіў лідар «УДАРа» Віталь Клічко падчас выступу на Брусэльскім форуме, піша прэс-служба партыі.
«Апошнія падзеі ва Украіне паказалі, што расейскія лідары гатовыя ўжыць сілу. Таму ЕЗ і ЗША разам павінны быць гатовыя жорстка рэагаваць. Патрэбныя такія санкцыі дэмакратычнага свету, якія былі б сапраўды балючымі для Пуціна. Таму яны павінны тычыцца не толькі некаторых прадстаўнікоў пуцінскага рэжыму. Ціск павінны ізаляваць Расею эканамічна», - падкрэсліў Клічко.
Ён падкрэсліў, што ўварванне Расеі ва Украіну і акупацыя Крыма знішчылі сістэму еўрапейскай бяспекі, а Пуцін парушыў усе нормы міжнароднага права. Клічко таксама выказаў упэўненасць, што эканамічная ізаляцыя паставіць крыж на надзеях Пуціна адносна аднаўлення Расейскай імперыі.