У гомельскай шматпавярхоўцы прагрымеў выбух

Паведамленне аб выбуху ў кватэры шматпавярховага дома ў Гомелі паступіла 22 сакавіка ў 09:10 раніцы.

У кватэры знайшлі двух мужчын - 1963 года і 1981 гадоў нараджэння. Яны дастаўлены ў бальніцу з апёкамі рознай ступені цяжкасці, піша БелТА.

На месцы выбуху працуюць спецыялісты. Паводле папярэдняй версіі, выбух адбыўся праз няправільнае выкарыстанне электрапрыбораў. Гомельскі гарадскі аддзел Следчага камітэта праводзіць праверку.