Штурм Бельбека: БТР пратараніў вароты, ёсць параненыя
83- 22.03.2014, 19:07
- 89,872
Расейскі спецназ захапіў украінскую вайсковую частку ў Бельбеку.
Згодна са станам на 18:00 паводле мясцовага часу вароты ўжо выламаныя, піша gazeta.ua.
Як паведамілі ў эфіры 5 канала, украінскіх вайскоўцаў закідваюць святло-шумавымі гранатамі, на тэрыторыю в/ч заехала карэта «хуткай». Паводле інфармацыі журналісткі Мірыям Драгінай, вядома, што паранены адзін з журналістаў.
Пазней стала вядома, што расейскія салдаты занялі ўсю тэрыторыю часткі.
Перад гэтым прадстаўнікі акупантаў выставілі ўкраінскім вайскоўцам ультыматум: здацца на працягу гадзіны, інакш будзе штурм.
Камандзір 204-й брыгады тактычнай авіяцыі, якая дыслакуецца ў Бельбеку, палкоўнік Юлій Мамчур наадрэз адмаўляецца выконваць патрабаванні акупантаў. Як стала вядома пазней, ужо прагучала першая баявая сірэна з боку расейцаў, здаліся снайперы. Пра гэта паведаміла журналістка Мірыям Драгіна.
З яе слоў, камандзір вайсковай частцы Юлій Мамчур заклікаў сваіх вайскоўцаў заставацца вернымі прысязе. Таксама, паводле інфармацыі, ва ўкраінскай частцы мала зброі - старыя зеніткі, тры грузавікі і адзін аўтамат на пецярых. Падчас перамоваў Мамчура з прадстаўніком расейскага боку, камандзір украінскай часткі сказаў, што загаду здавацца не было, і ўсе вайскоўцы застаюцца на сваіх месцах.