Сенат ЗША ўхваліў вылучэнне Кіеву мільярда даляраў
7- 25.03.2014, 8:22
- 11,781
Сенатары падтрымалі законапраект аб мерах падтрымкі Украіны і санкцыях у дачыненні да Расеі.
На працэдурным галасаванні яны падтрымалі праект рашэння, які дае гарантыі на 1 мільярд даляраў па даўгах Украіны, а таксама дае 150-мільённы пакет дапамогі Украіне. Супраць законапраекта выказаліся 17 членаў сената. Такім чынам, пытанне будзе вынесена на фінальнае галасаванне, піша «Лiга.нет».
Праект закона прадугледжвае і магчымасць санкцый супраць грамадзян Расеі і Украіны, якіх сенатары палічаць адказнымі за карупцыю, парушэнні правоў чалавека і падрыў стабільнасці ва Украіне.
Нагадаем, раней санкцыі супраць расейскіх чыноўнікаў і бізнесменаў, а таксама супраць банка «Расея» ўвёў сваімі ўказамі прэзідэнт Барак Абама.