Сашу Белага расстралялі з аўтамата на вачах у наведвальнікаў кавярні
21- 25.03.2014, 10:36
- 61,569
Міліцыя ўзбудзіла крымінальную справу па факце забойства актывіста "Правага сектара" Аляксандра Музычка, больш вядомага як Саша Белы.
Пра гэта паведаміла прэс-служба МУС.
"Яго забілі ўначы, каля дванаццаці каля кавярні "Джэрэльцэ", якая ў народзе называецца "Карасі", непадалёк ад яго дома. Там было шмат людзей, праводзяцца следчыя дзеянні, дапытваюцца сведкі. Пакуль ніхто не затрыманы", - паведамілі ў міліцыі.
Па папярэдніх дадзеных міліцыі, у кавярні адбыўся канфлікт паміж групамі людзей. Затым ён працягнуўся на вуліцы. Пачуліся стрэлы, Белага застрэлілі. Зброя, з якой у яго стралялі, пакуль не ўстаноўленая, перадае ТСН.
"Верагодна, што гэта быў аўтамат", - паведамілі ў прэс-службе.
Як вядома, раней паведамлялася, што Сашу Белага расстралялі з пісталета Макарава. Адна з куль трапіла ў сэрца актывіста.