У Менску кіроўца за гадзіну здзейсніў 10 ДТЗ і ўскрыў сабе вены

Віной усяму спайс.

Мінулым вечарам кіроўца ўчыніў дзесятак ДТЗ, а пры затрыманні ўскрыў сабе вены. Як пазней высветлілася, ён быў пад дзеяннем спайса, паведамляе СТВ.

Паведамленне на пульт ДАІ аб неадэкватных паводзінах кіроўцы паступіла ў 17.30, пасля чаго адразу некалькі экіпажаў міліцыі пачалі пераследваць парушальніка. Гонка доўжылася каля гадзіны. Кранаючы адну машыну за іншай, кіроўца даехаў да Маскоўскага раёна, пасля чаго пакінуў аўтамабіль і стаў уцякаць ад супрацоўнікаў міліцыі. Інспектары кінуліся наўздагон. На іх вачах мужчына разбіў бутэльку і яе аскепкам стаў ускрываць вены.

Медыкі, якія прыехалі на месца здарэння, аказалі мужчыне першую дапамогу і даставілі яго ў бальніцу. Пазней кіроўца прызнаўся, што ўжываў белы парашок пад назвай «Хуткасць». Цяпер праводзіцца следства.