Людзі задыхаюцца ад дыму ў вагоне маскоўскага метро (Відэа)
3- 25.03.2014, 13:14
- 15,772
У адным з вагонаў паміж станцыямі «Тэкстыльшчыкі» і «Валгаградскі праспект» у Маскве адбылося задымленне.
Да месца здарэння спяшаюцца машыны «хуткай дапамогі» і МНС. Цягнікі на лініі ходзяць з павялічанымі інтэрваламі.
У сеціве ўжо з'явілася першае відэа з месца падзей. На кадрах паказаны вагон, напоўнены дымам. Спрабуючы абараніць сябе ад удушша, пасажыры закрываюць твары хусткамі і прадметамі адзення і кашляюць, перадае НТВ.
Па словах відавочцаў, далей «Тэкстыльшчыкаў» цягнікі не едуць. У экстраных службах горада «Інтэрфаксу» паведамілі, што прычынай таго, што здарылася, стаў сілавы кабель, які загарэўся на наземным участку паміж станцыямі «Тэкстыльшчыкі» і «Валгаградскі праспект». Дым праз тунэль стала зацягваць у вестыбюль «Валгаградскага праспекта» і цягнікі.