Украінцы пералічылі амаль $4 мільёна ў падтрымку войска
3- 25.03.2014, 13:30
- 5,142
На рахунак Мінабароны ў падтрымку войска пералічана больш за 40 мільёнаў грыўняў.
Такая сума паступіла ад фізічных і юрыдычных асоб на рахунак Міністэрства абароны Украіны ў рамках акцыі "Падтрымай украінскае войска" па стане на 10:40 25 сакавіка. Пра гэта гаворыцца ў паведамленні прэс-службы Мінабароны.
38 мільёнаў 313 тысяч грн пералічаныя на матэрыяльна-тэхнічнае забеспячэнне, астатнія сродкі - на медыцынскае. З дапамогай званкоў на адзіны мабільны нумар "565" на падтрымку Украінскага войска пералічана 8 мільёнаў 591 тысяч грыўняў.
Акрамя таго, на рахункі Мінабароны паступіла 9 тысяч даляраў і 7 тысяч 400 еўра.
"Пасля абавязковага продажу замежнай валюты (50% ад агульнай сумы), рэшта замежнай валюты на рахунках Міністэрства абароны Украіны склала 4 тысячы 500 даляраў ЗША і 3 тысячы 700 еўра (грыўневы эквівалент - 98,5 тысяч грн.)", - гаворыцца ў паведамленні.
Фота: belvpo.com