Амаль увесь экіпаж карвета «Цярнопаль» застаўся верным Украіне
2- 26.03.2014, 12:03
- 9,782
З карвета "Цярнопаль" 80 маракоў пасля захопу расейскімі акупантамі засталіся ў ВМС Украіны, сямёра перайшлі на бок Крамля.
Пра гэта паведаміў кіраўнік Цярнопальскага інфармацыйнага пункта падтрымкі ВМС Украіны ў Крыме Ігар Крочак, паведамляе Цензор.НЕТ.
"Зараз у Севастопалі прадстаўнікі расейскага камандавання агітуюць былых ваенных маракоў Украіны аб пераходзе на службу ў ВМФ Расейскай федэрацыі", - сказаў ён.
Таксама Крочак спаслаўся на словы аднаго з папярэдніх камандзіраў супрацьлодкавага карвета "Цярнопаль" Андрэя Курыленкі.
"Так, у яго аддзеле штаба камандавання ВМС шэсць афіцэраў засталіся верныя прысязе і Украіне і чакаюць цэнтралізаванага ад'езду на мацярык", - сказаў Крочак.
Паводле яго слоў, з апошняга экіпажа карвета "Цярнопаль" сем маракоў вырашылі працягнуць службу пад расейскім сцягам.
Сцяг Цярнопаль, герб супрацьлодкавага карвета "Цярнопаль" і сцяг ВМС ВС Украіны будуць перададзеныя на захоўванне ў музеі і дзяржаўны архіў абласнога цэнтра.
Як вядома, расейскія акупанты захапілі карвет "Цярнопаль" 20 сакавіка.