Пад Чавусамі «Жыгулі» пратаранілі КАМАЗ з вайскоўцамі

У Чавускім раёне кіроўца ВАЗа пры няўдалым абгоне ўклініўся ў калону і ўрэзаўся ў КАМАЗ з вайскоўцамі.

Паведамленне з Чавускага раёна паступіла ў рэдакцыю onliner.by. Той, хто тэлефанаваў, распавёў, што на адной з дарог адбылося сутыкненне КАМАЗа і легкавой машыны ВАЗ. У выніку грузавы аўтамабіль, у якім знаходзіліся вайскоўцы, перакуліўся. У прэс-службе ўнутраных войскаў удакладнілі, што абыйшлося без ахвяр і цяжка пацярпелых. Там таксама распавялі папярэднюю версію таго, што здарылася.

- Сёння каля 10:00 калона КАМАЗаў рухалася на месца правядзення заняткаў, - распавялі ў прэс-службе ўнутраных войскаў. - Па папярэдніх дадзеных, у гэты час абгон стаў здзяйсняць кіроўца ВАЗ-2101, за рулём легкавога аўтамабіля знаходзілася грамадзянская асоба. У выніку няўдалага манеўру наперадзе з'явіліся сустрэчныя машыны, ён паспрабаваў уклініцца ў калону і здзейсніў сутыкненне з КАМАЗам.

У прэс-службе ўдакладнілі, што ніхто не загінуў, цяжка пацярпелых таксама няма: «Першая медыцынская дапамога аказвалася на месцы здарэння, у тым ліку кіроўцу і пасажыру ВАЗа».

Вядома таксама, што вайскоўцы былі дастаўленыя ў траўмапункт для абследавання. Большасць былі адпушчаныя, у іх лёгкія траўмы. Аднак аднаму ўсё ж аператыўная дапамога медыкаў спатрэбілася, ён шпіталізаваны.

На месцы працуюць супрацоўнікі ДАІ, якія высвятляюць абставіны здарэння.