Радаслаў Сікорскі: Крымчане не змогуць ездзіць у Еўропу без віз
14- 26.03.2014, 16:09
- 14,802
Жыхары Крыма не змогуць удзельнічаць у бязвізавым рэжыме Украіны з ЕЗ.
Пра гэта заявіў кіраўнік МЗС Польшчы Радаслаў Сікорскі падчас сённяшняй сустрэчы з в.а. міністра замежных спраў Украіны Андрэем Дзешчыцай у Кіеве Gazeta Wyborcza (пераклад - charter97.org).
Кіраўнік польскага знешнепалітычнага ведамства падкрэсліў важнасць таго, што Украіна паважліва ставіцца да Будапешцкага мемарандума, падпісаўшы які ў абмен на гарантыі бяспекі, яна адмовілася ад ядзернай зброі.
- Калі мы хочам, каб Паўночная Карэя калі-небудзь паступіла ў пытанні ядзернай зброі, як Украіна, то гэтыя абавязацельствы павінны дакладна выконвацца, - падкрэсліў ён.
Сікорскі таксама адзначыў, што да таго часу, пакуль у Севастопалі зноў не запрацуе консульства Польшчы, па візавых пытаннях украінцаў Крыма будзе абслугоўваць консульства ў Адэсе. Палітык таксама растлумачыў, што «грамадзяне Крыма», у адрозненне ад жыхароў астатняй Украіны, не змогуць браць удзел у бязвізавым рэжыме з краінамі Еўрапейскага звяза.