Акупацыю Крыма аплацяць за кошт расейскіх пенсіянераў

Замарожаныя пенсійныя назапашванні расейцаў будуць выдаткаваныя на Крым.

Пра гэта піша выданне "Ведомости".

Тыя 243 млрд руб. антыкрызіснага рэзерву, якія засталіся, можна ўкласці ў новыя тэрыторыі аператыўна - уносіць папраўкі ў бюджэт не патрабуецца, патлумачыў выданню супрацоўнік Міністэрства фінансаў Расеі. У гэтым годзе расейскі ўрад можа вылучыць Крыму і Севастопалю з федэральнага бюджэту 100-130 млрд руб., паведаміла агенцтва Bloomberg. Супрацоўнік Мінфіна удакладніў "Ведомостям", што гэта мінімальна неабходная фінансавая дапамога Крыму, піша РБК.

Па словах іншага высокапастаўленага чыноўніка фінансавага ведамства, у рэальнасці падтрымка будзе значна больш: на паўвостраў адправіцца ўвесь антыкрызісны рэзерв бюджэту, сфармаваны за кошт замарожвання пенсійных накапленняў грамадзян.

Да 5 красавіка ведамствы распрацуюць "дарожныя карты" пераходу Крыму на расейскія законы і стандарты, а да 15 красавіка Мінфін разлічыць, колькі гэта будзе каштаваць, распавядае суразмоўца выдання.

Па дадзеных Bloomberg, выдаткі федэральнага бюджэту на Крым могуць скласці 260 млрд руб. Чыноўнік Мінфіна запэўнівае, што разлікаў пакуль няма. Паводле яго слоў, ведамства хацела б укласціся у 243 млрд руб., зэканомленыя на замарожванні накапляльных пенсійных унёскаў у 2014г. і зарэзерваваныя федэральным бюджэтам на экстранныя антыкрызісныя меры. Прэзідэнт Расеі Уладзімір Пуцін дазволіў выдаткаваць іх на Крым, патлумачыў іншы чыноўнік Мінфіна. Ён не выключыў, што гэтых сродкаў можа не хапіць, і прыйдзецца павялічваць выдаткі бюджэту.

Пакуль выдаткі падлічваюцца без уліку выдаткаў на развіццё Крыма, адзначыў суразмоўца выдання. "Дарогі, энергетыка, ЖКГ сюды не ўваходзяць", - растлумачыў ён. Раней неабходная з федэральнага бюджэту дапамога Крыму ацэньвалася ў 91 млрд руб.: 55 млрд руб., па разліках Мінфіна, - на збалансаванасць бюджэту і 36 млрд руб., па разліках Мінпрацы, - на пенсіі.

Грошы патрэбныя ўладам паўвострава для фінансавання ў 2014г абавязацельстваў, узятых Крымам раней.

Рашэнне аб замарожванні пенсійных накапленняў было прынята ў верасні 2013г. кулуарна з падачы чыноўнікаў сацыяльнага блока ўрада. Яно быў такім раптоўным, што стала нечаканым нават для высокапастаўленых чыноўнікаў эканамічнага блока.

Грамадзянам дзяржава абяцала кампенсаваць страту накапляльных унёскаў павелічэннем колькасці балаў у страхавой часткі пенсіі. Дзякуючы такому манеўру Мінфін на супастаўную суму зменшыў трансферт ПФР. Гэта эканомія дала магчымасць у 3,5 разы павялічыць прадугледжаны ў бюджэце рэзерв на выпадак пагаршэння эканамічнай сітуацыі - са 100 млрд руб. да 343 млрд руб. Меркавалася, што ў выпадку пагаршэння эканамічнай сітуацыі гэтыя сродкі, як у 2009г., будуць накіраваныя на падтрымку насельніцтва і асобных галін эканомікі.

У пачатку 2014г. урад прыняў рашэнне выдаткаваць першыя 100 млрд руб. антыкрызіснага рэзерву на стварэнне гарантыйнага фонду падтрымкі малога бізнесу, будаўніцтва дзіцячых садкоў і падтрымку монагарадоў.