Украінцы за свой кошт рамантуюць БТРы

Украінцы актыўна бяруць удзел у аднаўленні баяздольнасці сваёй арміі.

Працоўны калектыў Адміністрацыі Нікалаеўскага марскога порта сабраў сродкі для рамонту БТР-80, які знаходзіцца ў вайсковай частцы А0224, піша segodnya.ua.

За кароткі тэрмін работнікамі порта было сабрана больш за 26 тыс. грн (2450 даляраў) асабістых сродкаў, на якія былі набытыя запасныя часткі для правядзення сярэдняга рамонту БТР.

Таксама ва Украіне працягваецца дабрачынная акцыя «Падтрымай украінскую армію».

Як паведамілі ў прэс-службе Міністэрства абароны Украіны, па стане на 27 сакавіка на рахунак МАУ паступіла звыш 51 млн грн.

Акрамя таго, у замежнай валюце было пералічана каля 14 тыс. дал ЗША і 16 тыс. еўра. Пасля абавязковага продажу замежнай валюты (50% ад агульнай сумы) рэшта замежнай валюты на рахунках Мінабароны ў грыўнявым эквіваленце склала каля 190 тыс.

Падобная дабрачынная акцыя праходзіць і на мясцовым узроўні ў Нікалаеўскай вобласці.