Украіна скарачае штат сваёй амбасады ў Расеі
- 27.03.2014, 16:43
- 6,739
МЗС Украіны прыняў рашэнне скараціць колькасць супрацоўнікаў сваёй амбасады ў РФ.
Пра гэта паведаміў дырэктар дэпартамента інфармацыйнай палітыкі МЗС Украіны Яўген Перабійніс, перадае карэспандэнт РБК-Украина.
«Праўда тое, што штат амбасады Украіны ў РФ плануецца скараціць. Няпраўда тое, што гэта скарачэнне будзе на 75%», - сказаў ён.
Перабійніс адзначыў, што гэта адбудзецца ў бліжэйшы час.
Паводле яго слоў, скарачэнне штата будзе адлюстроўваць узровень двухбаковых адносінаў з РФ, які цяпер значна ўпаў.
Таксама ён нагадаў, што з-за неабходнасці эканоміі ва ўсіх ведамствах адбываюцца скарачэнні колькасці супрацоўнікаў, і МЗС таксама будзе праводзіць аптымізацыю штатаў як у цэнтральным апараце, так у амбасадах.
Фота: thekievtimes.ua