Пуцін патэлефанаваў Абаму: просіць дамовіцца аб Крыме
30- 29.03.2014, 10:08
- 45,271
Прэзідэнт Расеі Уладзімір Пуцін патэлефанаваў прэзідэнту ЗША Бараку Абаму ў пятніцу, каб абмеркаваць ягоную прапанову аб дыпламатычным развязанні крызісу ва Украіне.
Пра гэта піша «Нью-Ёрк Таймс» са спасылкай на заяву Белага дома.
Абама і Пуцін дамовіліся, што дыпламаты абедзвюх краін павінны бліжэйшым часам сустрэцца, каб абмеркаваць гэтае пытанне.
У заяве Белага дома гаворыцца, што тэлефонны званок ад Пуціна адбыўся пасля таго, як дзяржсакратар ЗША Джон Кэры падаў прапановы міністру замежных спраў Расеі Сяргея Лаўрова ў Гаазе на пачатку гэтага тыдня.
Белы дом не выдае прапанову, але адзначае, што Абама сказаў Пуціну падчас размовы, што ЗША хацелі б бачыць дыпламатычнае развязанне, якое ўключае ў сябе адвод Расеяй сваіх войскаў з Крыму і адмова ад дадатковых крокаў для ўварвання ў іншыя часткі Украіны.
У заяве Белага дома гаворыцца, што Абама, які знаходзіўся ў Саудаўскай Арабіі ў пятніцу, «заклікаў Расею падтрымаць гэты працэс і пазбегнуць далейшых правакацый, у тым ліку нарошчвання сіл на сваёй мяжы з Украінай».